TEACHING PRACTICE WEEKLY REPORT -3👩‍🏫🤍

അധ്യാപന പരിശീലത്തിന്റെ മൂന്നാമത്തെ ആഴ്ച! ദിവസങ്ങൾ പെട്ടെന്നാണ് കടന്നു പോകുന്നത്. കുട്ടികൾക്കുള്ള നോട്ടുകളും, പാഠസൂത്രണങ്ങളും മറ്റും തയ്യാറാക്കുന്നതിനിടയിൽ സമയത്തിന്റെ അയനം തിരിച്ചറിയുന്നതേയില്ല.

6/11/23

 ഉദ്ദേശിച്ച അത്രയും പാഠഭാഗങ്ങൾ തീർക്കണം എന്ന് വിചാരിച്ചുകൊണ്ട് സ്കൂളിൽ എത്തി ശാരീരികസ്വാസ്ഥ്യം ഉണ്ടായിരുന്നെങ്കിലും ഊർജ്ജത്തോടെ തന്നെ നിലകൊണ്ടു.മറ്റു കോളേജുകളിൽ നിന്നും അധ്യാപന പരിശീലനത്തിനായി അധ്യാപക വിദ്യാർത്ഥികൾ എത്തിയിട്ടുണ്ടായിരുന്നു.

 9 ബി ക്ലാസ്സിൽ എത്തുകയും രണ്ട് ടാക്സിക്കാർ എന്ന പാഠഭാഗം പഠിപ്പിക്കുകയും ചെയ്തു. ഇന്ത്യ വിഭജന സമയത്ത് നേർച്ച ചിത്രം ഒരു വീഡിയോയിലൂടെ കുട്ടികൾക്ക് കാണിച്ചുകൊടുത്തു. രണ്ട് ടാക്സിക്കാർ കുറച്ചു വലിയ പാഠഭാഗമാണ്. അത് പെട്ടെന്ന് വായിച്ചു പോയാൽ ചിലപ്പോൾ അവർക്ക് മനസ്സിലാക്കുന്നതിൽ ബുദ്ധിമുട്ടുണ്ടാകും. ആയതുകൊണ്ട് തന്നെ ഒരു ക്ലാസിൽ കുറച്ചുഭാഗം മാത്രമേ ഉൾപ്പെടുത്തുന്നുള്ളൂ. പിന്നീട് ആറാമത്തെ പിരീഡ് 8 ജി ക്ലാസിലേക്ക് ചെന്നു ഉച്ചയ്ക്കു ശേഷമുള്ള പിരീഡ് ആയതുകൊണ്ട് തന്നെ കുട്ടികൾക്ക് ഒരു ഗെയിം പറഞ്ഞു കൊടുക്കുകയും അവരെക്കൊണ്ട് ചെയ്യിപ്പിക്കുകയും ചെയ്തു. കീർത്തി മുദ്ര  എന്ന പാഠഭാഗം പഠിപ്പിച്ചു. പാഠഭാഗത്തിൽ പറഞ്ഞിരിക്കുന്ന ആശയം കുട്ടികളിലേക്ക് എത്തണമെങ്കിൽ അതുമായി ബന്ധപ്പെട്ട വിവരങ്ങൾ അവരുമായി പങ്കുവയ്ക്കണമായിരുന്നു. ഐസിടിയുടെ സഹായത്തോടെ അതും അവതരിപ്പിച്ചു.

 8 ജെ ക്ലാസ്സിൽ ഏറ്റവും അവസാനത്തെ പിരീഡ് തേൻകനി എന്ന നാടകമാണ് പഠിപ്പിച്ചത്. വയലാ വാസുദേവൻ പിള്ളയുടെ വിവരങ്ങൾ അടങ്ങിയ ഫ്ലാഷ് കാർഡുകൾ കുട്ടികൾക്ക് നൽകി, അവരെക്കൊണ്ട് തന്നെ വായിപ്പിക്കുകയും എഴുതിപ്പിക്കുകയും ചെയ്തു.

7/11/23

ഒൻപതാം ക്ലാസ്സിൽ ഇന്ന് ടൈം ടേബിൾ പ്രകാരം ഇല്ലായിരുന്നു. എങ്കിലും നാലാമത്തെ പീരിയഡ് അവിടെ സബ്സ്ടിട്യൂഷൻ ലഭിക്കുകയും, പഠിപ്പിക്കാൻ ആവുകയും ചെയ്തു. ടെക്സ്റ്റ്‌ ബുക്ക്‌ എല്ലാം സമഗ്രയിൽ നിന്നാണ് ഡൌൺലോഡ് ചെയ്യുന്നത്. അത് പ്രൊജക്ടറിൽ പ്രദർശിപ്പിക്കുന്നത് കൊണ്ട് ടെക്സ്റ്റ്‌ ഇല്ലാത്തവർക്ക് അത് പ്രയോജനപ്പെടും. 8G ക്ലാസ്സിലും ഉദ്ദേശിച്ച അത്രയും ഭാഗം തന്നെ പഠിപ്പിച്ചു തീർക്കാൻ ആയി. 8 J ക്ലാസ്സിൽ തേൻകനി എന്ന പാഠഭാഗം കുറച്ചു കൂടി പഠിപ്പിച്ചു. പക്ഷെ ആ ക്ലാസ്സിൽ ആണ് പോർഷൻ വളരെ പതുക്കെ പോകുന്നത്. ഉച്ചക്ക് കേരളീയം പരിപാടിയുടെ സമാപനം ആയതിനാൽ എല്ലാ സ്കൂളുകളും രണ്ട് മണിക്ക് വിടുന്നുണ്ടായിരുന്നു.എടുത്ത മൂന്നു ക്ലാസും തൃപ്തികരമായിരുന്നു.

8/11/23

ശാരീരികാസ്വാസ്ഥ്യം വളരെ നന്നായി ഉണ്ടായിരുന്നു. ഒരു അധ്യാപികയുടെ പ്രധാനപ്പെട്ട ആയുധം ആണ് ശബ്ദം. 'ചുമ'

എന്ന വില്ലൻ കഥാപാത്രം രംഗപ്രവേശം ചെയ്തതോടെ ആ 'ആയുധത്തിന്റെ' മൂർച്ച കുറഞ്ഞു വരികയായിരുന്നു. എങ്കിലും ആവേശത്തോടെയാണ് ക്ലാസ്സ്‌ എടുത്തത്.

10 I ക്ലാസ്സിൽ സബ്സ്ടിട്യൂഷന് വേണ്ടി ചെല്ലണം എന്ന് നേരത്തെ പറഞ്ഞേൽപ്പിച്ചിരുന്നു. അവിടെ അക്കർമാശി എന്ന പാഠഭാഗത്തിന്റെ നോട്ട് നൽകി. അഞ്ചാമത്തെ പീരിയഡ് 8 ജി ക്ലാസ്സിലേക്കും, ആറാമത്തെ പീരിയഡ് 9 ബി ക്ലാസ്സിലേക്കും ചെന്നു. കഴിഞ്ഞ ക്ലാസ്സിൽ പഠിപ്പിച്ച ഭാഗത്തു നിന്നും വസ്തുനിഷ്ഠ മാതൃകയിലുള്ള ചോദ്യങ്ങൾ കൊടുത്തു. അവർ കൃത്യമായി അതു ചെയ്തു. ഒൻപതാം ക്ലാസിനു വിഗ്രഹാർത്ഥം എന്താണെന്ന് പഠിപ്പിച്ചു കൊടുത്തു.

9/11/23

ലീവ് ആയതു കാരണം ക്ലാസ്സെടുക്കാൻ കഴിഞ്ഞില്ല.

10/11/23

 വളരെ ഭംഗിയായി തന്നെ ക്ലാസുകൾ എടുത്തു തീർത്തു. രണ്ടാമത്തെ പിരീഡ് 9 ബി ക്ലാസ്സിൽ ചെന്നു. രണ്ട് ടാക്സിക്കാർ എന്ന പാഠഭാഗം തീർക്കാനായി. ഒബ്സർവേഷൻ ആയി ജോളി ടീച്ചർ എത്തിയിട്ടുണ്ടായിരുന്നു.വളരെ ഭംഗിയായി തന്നെ ക്ലാസ് എടുക്കുകയും തുടർന്ന് പരകീയ പദങ്ങൾ എഴുതാനുള്ള പ്രവർത്തനം കൊടുക്കുകയും ചെയ്തു. നാല് കുട്ടികളെ കൊണ്ട് പാഠഭാഗം വായിപ്പിക്കുകയും തെറ്റ് തിരുത്തിക്കൊടുക്കുകയും ചെയ്തു. സ്കൂൾ ഇൻഡക്ഷൻ പ്രോഗ്രാമിനായി കുമാരപുരം  കോളേജിൽ  നിന്ന് എത്തിയ മൂന്ന് അധ്യാപക വിദ്യാർത്ഥികൾ ക്ലാസ് ഒബ്സർവേഷനായി  വന്നിരുന്നു. നല്ല ക്ലാസ് ആയിരുന്നു എന്നുള്ള ഒരു പ്രതിപുഷ്ടിയും അവരുടെ കയ്യിൽ നിന്ന് ലഭിച്ചു. മൂന്നാമത്തെയും നാലാമത്തെയും പിരീഡ് എട്ട് ജെ ക്ലാസ്സിൽ സബ്സ്റ്റിറ്റ്യൂഷൻ ആയി ചെന്നു. ഉച്ചയ്ക്കുശേഷം ആറാമത്തെ പിരീഡ് 8 ജി ക്ലാസിൽ ചെന്നു.തലേദിവസം നൽകിയ തുടർപ്രവർത്തനം പരിശോധിച്ച് സന്ധി എന്തെന്ന് വിശദമാക്കി നൽകി. തുടർന്ന് വസ്തുനിഷ്ഠ ചോദ്യങ്ങൾ നൽകി. അതും അവർ ചെയ്തു.ശേഷം ബാക്കി പാഠഭാഗം പഠിപ്പിച്ചു.അവസാന ഭാഗം അടുത്ത ക്ലാസ്സിൽ എടുക്കാം എന്ന് പറഞ്ഞു. കുട്ടികളെ കൊണ്ട് പ്രവർത്തനം ചെയ്യിപ്പിച്ചതിനാൽ തന്നെ അഭ്യസന വായന നടത്തിപ്പിക്കാൻ സമയം ഉണ്ടായിരുന്നില്ല. എല്ലാ ദിവസവും ഉള്ളതുപോലെ അന്നും ഡിസിപ്ലിൻ ഡ്യൂട്ടി ഉണ്ടായിരുന്നു.ഇന്നത്തെ ദിവസവും ഭംഗിയായി തന്നെ അവസാനിച്ചു.

TEACHING PRACTICE WEEKLY REPORT -2👩‍🏫 📚

പരീക്ഷയ്ക്ക് ശേഷം, അധ്യാപന പരിശീലനം 31/10/2023 ന് പുനരാരംഭിച്ചു.

ഓരോ ക്ലാസ്സിലും ഓരോ പാഠഭാഗം വച്ച് തീർത്തിട്ടാണ് ഇടവേള എടുത്തത്.

കേരളപിറവി ദിനാഘോഷത്തിന്റെ തയ്യാറെടുപ്പുകളിൽ മുഴുകിയിരിക്കുകയായിരുന്നു എല്ലാവരും. അതോടൊപ്പം പത്താം ക്ലാസ്സിന്റെ യൂണിറ്റ് ടെസ്റ്റ്‌ നടക്കുന്ന സമയം ആയിരുന്നു. രാവിലെ തന്നെ എക്സാം ഡ്യൂട്ടിക്ക് കയറി.10 I -ൽ ആണ് ഡ്യൂട്ടി ഉണ്ടായിരുന്നത്. മലയാളം അടിസ്ഥാന പാഠാവലിയുടെ പരീക്ഷയായിരുന്നു. കുട്ടികൾക്ക് എഴുതാൻ പറ്റുന്ന നിലവാരം ഉള്ള ചോദ്യപേപ്പർ ആയിരുന്നു.പിന്നീട് 9 B ക്ലാസ്സിലേക്ക് ചെന്നു. നോട്ട് കൊടുക്കാൻ ഉള്ളത് കൊടുത്ത് തീർക്കുകയും ചെയ്തു.8 G ക്ലാസ്സിൽ കീർത്തിമുദ്ര എന്ന പാഠഭാഗം തുടങ്ങിവച്ചു.

1/11/23

തൊട്ടടുത്ത ദിവസം കേരളപ്പിറവിദിനാഘോഷം വിപുലമായി തന്നെ ആഘോഷിച്ചു. പലതരം പരിപാടികളും, നാടകവും, പാട്ടും നൃത്തവും ആയി മനോഹരമായ ഒരു ദിനം!

അന്ന് 8 G ക്ലാസ്സിൽ കവി പരിചയം നടത്തി.

കേരളപിറവിയോട് അനുബന്ധിച്ച് എല്ലാ കുട്ടികൾക്കും മധുരം വിതരണം ഉണ്ടായിരുന്നു. അതിനാൽ തന്നെ ക്ലാസ്സ്‌ പകുതി എടുക്കാനേ കഴിഞ്ഞുള്ളു.

2/11/23

9 B ക്ലാസ്സിൽ രണ്ട് ടാക്സിക്കാർ എന്ന പാഠഭാഗം ആരംഭിച്ചു. തുടക്കത്തിൽ രണ്ട് വീഡിയോ പ്രദർശനം നടത്തി, ആശയം വ്യക്തമാക്കി. ശേഷം പാഠഭാഗത്തിന്റെ മുഴുവനെയുള്ള അവലോകനം നടത്തുകയും ചെയ്തു. എട്ടാം ക്ലാസിലെ കുട്ടികൾ തലേദിവസം നൽകിയിരുന്ന തുടർ പ്രവർത്തനവും കഴിഞ്ഞയാഴ്ച നൽകിയിരുന്ന അസൈൻമെന്റ് പൂർത്തിയാക്കി കൊണ്ടാണ് വന്നത്. അവരുടെ ക്ലാസിലും കീർത്തിമുദ്ര എന്ന പാഠഭാഗം ബാക്കി പഠിപ്പിച്ചു. 8 J ക്ലാസിൽ അടിസ്ഥാനപാഠാവലി പഠിപ്പിക്കാൻ കിട്ടിയിട്ടുണ്ടായിരുന്നു. തിങ്കളും ചൊവ്വയും ആണ് അടിസ്ഥാന പാഠാവലിയുടെ ക്ലാസ്. എന്നിരുന്നാലും സബ്സ്റ്റിറ്റ്യൂഷൻ കിട്ടിയത് കൊണ്ട് തന്നെ   പാഠാവതരണം നടത്താനും ഒരു പാഠസൂത്രണം തീർക്കാനും സാധിച്ചു. പ്രൊജക്ടർ ഇല്ലാത്ത ക്ലാസ് ആയതുകൊണ്ട് തന്നെ ലാപ്ടോപ്പ് ഉപയോഗിച്ച് ആയിരുന്നു വീഡിയോ പ്രദർശിപ്പിച്ചത്. പതിവിലും കൂടുതൽ പ്രയത്നിക്കേണ്ടി വന്നെങ്കിലും ഭംഗിയായി തന്നെ ക്ലാസുകൾ കൈകാര്യം ചെയ്തു.

3/11/23

ലഹരി വിരുദ്ധ പരിപാടികൾ സ്കൂളിൽ നടന്ന ദിവസമായിരുന്നു.വ്യത്യസ്തമായ ഡാൻസും, പാട്ടും,നാടകവും എല്ലാം ഉൾക്കൊള്ളുന്ന പരിപാടികൾ ആയിരുന്നു നടന്നത്.

രണ്ടാമത്തെ പിരീഡ് 9 B ലേക്ക് ചെന്നു. അവിടെ രണ്ട് ടാക്സിക്കാർ എന്ന പാഠഭാഗം പഠിപ്പിച്ചു തുടങ്ങി. ഉദ്ദേശിച്ച അത്രയും പാഠഭാഗം തീർക്കാൻ സാധിച്ചു. നിത്യചൈതന്യ യതിയെ കുറിച്ചുള്ള വിവരണം ഫ്ലാഷ് കാർഡുകൾ നൽകി കുട്ടികളെ കൊണ്ട് തന്നെ പറയിപ്പിക്കുകയാണ് ചെയ്തത്. എട്ടാം ക്ലാസിലെ കുട്ടികൾക്ക് ഉച്ചയ്ക്ക് ശേഷമുള്ള പിരീഡ് ആയിരുന്നതിനാൽ ഒരു ചെറിയ കളി അവരെക്കൊണ്ട് ചെയ്യിപ്പിച്ചു. ശ്രദ്ധ വർദ്ധിക്കാനും സമ്മർദ്ദം കുറയ്ക്കാനും വേണ്ടിയുള്ള രസകരമായ ഒരു വിനോദം!! അത് കുട്ടികൾക്ക് കൂടുതൽ ആവേശവും ഉന്മേഷവും പകർന്നു നൽകി. ശേഷം കീർത്തിമുദ്ര എന്ന പാഠഭാഗം ബാക്കി പഠിപ്പിച്ചു. പിന്നീട് 9 F ക്ലാസിലേക്ക് സബ്സ്റ്റിറ്റ്യൂഷനായി പോയി. അവിടെ കുട്ടികൾക്ക് നോട്ട് എഴുതാൻ ഉണ്ടായിരുന്നു. അതുകൊണ്ട് ആ നോട്ട് എഴുതി പൂർത്തിയാക്കാൻ നിർദ്ദേശം നൽകുകയും വേണ്ട സഹായങ്ങൾ നൽകുകയും ചെയ്തു.ആഴ്ചയിലെ ഈ അവസാനത്തെ ദിനം ക്ഷീണിച്ച് അവശയായെങ്കിലും അധ്യാപനം എന്ന പ്രക്രിയയിലേക്ക് ഞാൻ കൂടുതൽ അടുക്കുന്നതായി അനുഭവപ്പെട്ടു.

TEACHING PRACTICE - WEEKLY REPORT 👩‍🏫📚🤍

 ബി എഡ് അധ്യാപന പരിശീലനത്തിന്റെ ആദ്യത്തെ ആഴ്ച വളരെ ഭംഗിയായി തന്നെ അവസാനിച്ചു. ടീച്ചിങ് പ്രാക്ടീസിനായി എസ് എസ് കോട്ടൺഹിൽ സ്കൂളിൽ എത്തിയതിനുശേഷം ഉള്ള ഒരാഴ്ചത്തെ റിപ്പോർട്ട് ആണ് ഈ ബ്ലോഗിൽ ഉൾപ്പെടുത്താൻ ഉദ്ദേശിച്ചിരിക്കുന്നത്. ആദ്യദിനം സ്കൂൾ അധികൃതരുടെ ഭാഗത്തു നിന്നും വേണ്ട നിർദ്ദേശങ്ങൾ ലഭിക്കുകയും കൃത്യമായ ടൈംടേബിൾ, പോർഷൻ എന്നിവ വാങ്ങുകയും ചെയ്തു.

ആദ്യദിനം 2 പിരീഡ് ആണ് എനിക്ക് ഉണ്ടായിരുന്നത്. നാലാമത്തെ പിരീഡ് ഒമ്പതാം ക്ലാസിലും ; ആറാമത്തെ പിരീഡ് എട്ടാം ക്ലാസിലും. ആദ്യത്തെ ദിവസം ആയതിനാൽ തന്നെ പാഠഭാഗത്തിലേക്ക് കടക്കാതെ, ഞാൻ കൈകാര്യം ചെയ്യാൻ പോകുന്ന ക്ലാസുകളിലെ കുട്ടികളെ അറിയാനും അവരുടെ അഭിരുചികൾ അറിയാനും, പഠനനിലവാരം മനസ്സിലാക്കാനും ശ്രമിച്ചു. ഭാഷയെ പറ്റിയുള്ള അറിവ് കുട്ടികളിൽ എത്രത്തോളം ഉണ്ട് എന്നറിയാൻ ചില ചോദ്യങ്ങൾ ചോദിച്ചു.ഡിസിപ്ലിൻ ഡ്യൂട്ടി, മിഡ് ഡേ മീൽ ഡ്യൂട്ടി,എന്നിവ കൃത്യമായി ഓരോ അധ്യാപകർക്കും വീതിച്ച് നൽകി. രണ്ടാമത്തെ ദിവസം കൃത്യമായി സ്കൂളിൽ എത്തുകയും രജിസ്റ്റർ ഒപ്പിടുകയും സബ്സ്റ്റിറ്റ്യുഷൻ ഡ്യൂട്ടി വാങ്ങുകയും ചെയ്തു. ഒൻപതാം ക്ലാസിലെ കുട്ടികൾക്ക്  ക്ലാസ്സില്ലായിരുന്നുവെങ്കിലും അവിടേയ്ക്ക് പോകേണ്ടി വന്നു . ഈ സെമസ്റ്ററിലെ അധ്യാപന പരിശീലനത്തിന്റെ ആദ്യ ക്ലാസ്സ്, ആ ക്ലാസിലാണ് ഞാൻ എടുത്തത്. 'പാരിന്റെ നന്മയ്ക്കത്രേ' എന്ന യൂണിറ്റും അതിലെ പ്രവേശകവും ആണ് പഠിപ്പിച്ചത്. 8G ക്ലാസ്സിൽ ഏറ്റവും അവസാനത്തെ പിരീഡ് ആയിരുന്നു ക്ലാസ് ഉണ്ടായിരുന്നത്. സമയം വളരെ കുറച്ചു മാത്രം ലഭിക്കുന്ന പീരിയഡ് ആയതുകൊണ്ടുതന്നെ ഉദ്ദേശിച്ച പാഠഭാഗവും, നൽകാൻ ഉദ്ദേശിക്കുന്ന പ്രവർത്തനങ്ങളും അഞ്ചുമിനിറ്റ് മുൻപേ തീർക്കണമെന്ന് തീരുമാനിച്ചിരുന്നു. 'മാനവികതയുടെ മഹാഗാഥകൾ' എന്ന യൂണിറ്റിന്റെ പ്രവേശകമായ 'ചേക്കുട്ടി പാവകൾ' ആണ് അവിടെ പഠിപ്പിച്ചത്. എട്ടാം ക്ലാസിലെ കുഞ്ഞുങ്ങളെ കൈകാര്യം ചെയ്യാൻ നല്ലവണ്ണം ബുദ്ധിമുട്ടി.ഒരുപാട് ശബ്ദമുയർത്തേണ്ടിയും വന്നു. കുട്ടികളിലേക്ക് ആശയം കൃത്യമായി  എത്തിയിട്ടുണ്ടോ എന്ന് മനസ്സിലാക്കാൻ ഒരു ചെറിയ കുറിപ്പ് അവരെക്കൊണ്ട് എഴുതിപ്പിച്ചു. അഞ്ചോ ആറോ വരികളുള്ള ചെറിയൊരു ഖണ്ഡിക എഴുതാൻ എല്ലാ കുട്ടികളും വളരെയധികം സമയമെടുത്തു. അക്ഷരങ്ങൾ തിരിച്ചറിയുന്നതിലും അവ കൃത്യമായി എഴുതുന്നതിലും കുഞ്ഞുങ്ങൾ ബുദ്ധിമുട്ട് അനുഭവിക്കുന്നതായി ഞാൻ മനസ്സിലാക്കി. മൂന്നാമത്തെ ദിവസത്തെ അനുഭവങ്ങൾ കുറച്ചുകൂടി വ്യത്യസ്തമായിരുന്നു. പഠിപ്പിക്കുവാൻ ഇല്ലാതിരുന്ന ഒരു ക്ലാസ്സിൽ സബ്സ്റ്റിറ്റ്യൂഷനു വേണ്ടി കയറി.8 J എന്ന ക്ലാസിലാണ് കയറിയത്. 40 ഓളം കുട്ടികൾ പഠിക്കുന്ന ആ ക്ലാസിൽ, സർഗാത്മകശേഷി പ്രകടിപ്പിക്കുന്ന ഒട്ടനവധി കുട്ടികൾ ഉണ്ടായിരുന്നു. ഓരോരുത്തരെയും പരിചയപ്പെടുകയും അവരുടെ പഠനനിലവാരം എത്രത്തോളമാണെന്ന് മനസ്സിലാക്കാൻ ഒരു ശ്രമം നടത്തുകയും ചെയ്തു.അതിന്റെ ഭാഗമായി മലയാളം അക്ഷരമാല അവരുടെ അടുത്ത് നിന്ന് എഴുതി വാങ്ങിച്ചു. അക്ഷരങ്ങളെ ഭയക്കുന്ന കുട്ടികൾ ആ ക്ലാസിൽ ഉണ്ടായിരുന്നു.ഭൂരിഭാഗം കുട്ടികൾക്കും അക്ഷരങ്ങൾ എഴുതുന്നതിൽ ബുദ്ധിമുട്ട് അനുഭവപ്പെടുന്നുണ്ടെന്ന് മനസ്സിലായി.

നിരന്തരമായ വായനയിലൂടെ അക്ഷരത്തെറ്റുകൾ കുറയ്ക്കാൻ ആകുമെന്നും മലയാളം പുസ്തകങ്ങൾ വായിക്കണം എന്നും അവരോട് പറഞ്ഞു. 'ബാല്യകാലസഖി', 'ഗൗരി' തുടങ്ങിയ കൃതികൾ വായിച്ച കുഞ്ഞുങ്ങൾ ക്ലാസിൽ ഉണ്ടായിരുന്നു എന്ന കാര്യം എന്നെ അത്ഭുതപ്പെടുത്തി. 8 G, 9 B എന്നീ ക്ലാസ്സുകളിൽ ബാക്കി പാഠഭാഗം പഠിപ്പിച്ചു. പ്രളയത്തെ കുറിച്ചുള്ള 'മാനവികതയുടെ തീർത്ഥം' എന്ന പാഠഭാഗം എട്ടാം ക്ലാസ്സിലെ കുട്ടികൾക്ക് പറഞ്ഞു കൊടുത്തു. പി. ഭാസ്കരന്റെ 'കാളകൾ' എന്ന കവിതയാണ് ഒമ്പതാം ക്ലാസിലെ കുട്ടികൾക്ക് ആദ്യപാഠമായി നൽകിയിരുന്നത്.കാളകൾ എന്ന കവിതയും മുഴുവൻ പഠിപ്പിച്ചു തീർക്കുകയുണ്ടായി. സബ്സ്റ്റിറ്റ്യൂഷൻ പിരീഡുകൾക്ക്  പോകുമ്പോൾ, കുട്ടികളെ കൊണ്ട് വ്യത്യസ്ത തരത്തിലുള്ള പ്രവർത്തനങ്ങൾ ചെയ്യിപ്പിച്ചു.അതിന്റെ ഭാഗമായി എട്ടാം ക്ലാസിലെ കുട്ടികളെ കൊണ്ട് പ്രകൃതി സംരക്ഷണത്തിന് വേണ്ടി തയ്യാറാക്കുന്ന പോസ്റ്ററുകൾക്ക് തലക്കെട്ട് നൽകുക എന്ന പ്രവർത്തനം ആണ് ചെയ്യിപ്പിച്ചത്. "വലിച്ചെറിയേണ്ടത് മാലിന്യങ്ങൾ അല്ല ചില മനുഷ്യ സ്വഭാവങ്ങളാണ്" എന്ന തലക്കെട്ടിനാണ് ഒന്നാം സമ്മാനം നൽകിയത്. അതോടൊപ്പം എല്ലാ കുഞ്ഞുങ്ങൾക്കും പ്രോത്സാഹന മധുരം നൽകുകയും ചെയ്തു.

വെള്ളിയാഴ്ചയാണ് ഉച്ചഭക്ഷണത്തിന്റെ  ഡ്യൂട്ടിക്കായി പോയത്. ഓരോ ദിവസവും 3 പേർ വച്ച് ഡ്യൂട്ടിക്ക് ചെല്ലണം എന്ന് നേരത്തെ തന്നെ അറിയിച്ചിരുന്നു. വെള്ളിയാഴ്ചയ്ക്കുള്ളിൽ 1 പാഠം രണ്ടു ക്ലാസ്സുകളിലും തീർത്തു.            അധ്യാപകന്റെ മനസ്സ് നിശിതമാകുമ്പോൾ വിദ്യാഭ്യാസത്തിന് ചിറകുകൾ ലഭിക്കുന്നു. കുട്ടികളെ പഠിപ്പിക്കുക മാത്രമല്ല അവരിൽ നിന്നുകൂടി പഠിക്കുമ്പോഴാണ് അധ്യാപന പ്രക്രിയ പൂർണ്ണമാകുന്നത്. 10  പാഠസൂത്രണങ്ങൾ പൂർത്തിയാക്കി പരീക്ഷയുടെ ഇടവേളക്ക് വേണ്ടി പോകുകയാണ് ഇപ്പോൾ.

ബി. എഡ് ജീവിതത്തിലെ മറ്റൊരു അധ്യായം - അധ്യാപന പരിശീലനം 👩‍🏫📚

ഇന്ന് ഒക്ടോബർ 9 2023. ബി. എഡ് ജീവിതത്തിലെ ഏറ്റവും പ്രധാനപ്പെട്ട ഘട്ടം ആയ അധ്യാപന പരിശീലനത്തിന്റെ ഒന്നാം ദിവസം! ക്ലാസ്സിൽ പഠിച്ച കാര്യങ്ങൾ പ്രായോഗികമാക്കേണ്ട ദിനങ്ങളാണ് ഇനിയങ്ങോട്ടുള്ളത്. തിരുവനന്തപുരത്തെ ഏറ്റവും പ്രസിദ്ധമായ; ഏറ്റവും കൂടുതൽ പെൺകുട്ടികൾ പഠിക്കുന്ന ജി ജി എച്ച് എസ് എസ് കോട്ടൺഹിൽ ആണ് ഞാൻ അധ്യാപന പരിശീലനത്തിനായി തിരഞ്ഞെടുത്ത സ്കൂൾ. ആദ്യദിനം വളരെ മനോഹരമായി തന്നെ ആരംഭിച്ചു.

ആദ്യ ദിനം ആയതിനാൽ തന്നെ പഠിപ്പിച്ചു തുടങ്ങുന്നതിന് മുൻപ് അതത് ക്ലാസുകളിലെ കുട്ടികളെ അറിയുക, അവരുടെ അഭിരുചികൾ മനസ്സിലാക്കുക,പഠനനിലവാരം മനസ്സിലാക്കുക, എന്നുള്ളത് വളരെ പ്രധാനമായിരുന്നു. എട്ടാം ക്ലാസിലെയും ഒമ്പതാം ക്ലാസിലെ ഓരോ ക്ലാസുകൾ വച്ച് എനിക്ക് പഠിപ്പിക്കുവാൻ ഉണ്ട്.

ഒരു ടീച്ചർ എന്ന നിലയിൽ ആദ്യമായി സ്കൂളിലേക്ക് പോയപ്പോൾ ഉണ്ടായ അനുഭവം വളരെ വ്യത്യസ്തവും മനോഹരവും ആയിരുന്നു.

ഏറെ മിടുക്കരായ ഒരു കൂട്ടം കുട്ടികളെയാണ് ഇന്ന് എനിക്ക് പരിചയപ്പെടാൻ സാധിച്ചത്. കലയിലും പഠനത്തിലും ഒരേപോലെ മികവ് പുലർത്തുന്ന നിരവധി കുട്ടികളാണ് 2 ക്ലാസ്സിലും ഉണ്ടായിരുന്നത്. കുട്ടികൾ അവരുടെ വീക്ഷണങ്ങൾ, ആഗ്രഹങ്ങൾ എന്നിവ വളരെ വ്യക്തതയോടെ അവതരിപ്പിച്ചു. അടുത്ത ദിവസം മുതൽ മലയാളം കേരള പാഠാവലിയിലെ വ്യത്യസ്തങ്ങളായ പാഠങ്ങൾ എനിക്ക് പഠിപ്പിക്കുവാൻ ഉണ്ട്. അവയെക്കുറിച്ച് കുട്ടികളെ ഓർമ്മപ്പെടുത്തി.

ഇനിയുള്ള ദിവസങ്ങൾ എനിക്കുള്ള അവസരമാണ്.. ഒരു മികച്ച അധ്യാപികയായിട്ടു തന്നെ ഈ ട്രെയിനിങ് അവസാനിപ്പിക്കാൻ കഴിയും എന്നു തന്നെ ഞാൻ പ്രതീക്ഷിക്കുന്നു.

TEACHERS DAY CELEBRATION 👨‍🏫👩‍🏫📚

In the year 2023, Teacher's Day will be celebrated with much enthusiasm and joy all around the nation. This special day has always been a significant occasion to honour and appreciate the incredible contributions of teachers in shaping and molding young minds.

On this particular day, students and school staff will come together to express their deepest gratitude for the tireless efforts and dedication of their teachers. The day will commence with a grand celebration organized by the school, including performances by students, speeches, and various activities planned to make the day memorable.

The theme for Teacher's Day 2023 will be "Celebrating the Unsung Heroes." It aims to shed light on the immense role that teachers play in society and how their impact extends far beyond the classroom. The event will emphasize the importance of recognizing the dedication of teachers in shaping the future of our nation.

Today was a really great day. Due to the inability to celebrate Teacher's Day on September 5th, the Government College of Teacher Education observed it today. They honored Mr. Jose D. Sujeev, a former student of the college who won the prestigious National Award for Best Teacher. They also paid respects to Jacob Mathews Sir and Suresh Sir, the former prominent professors of the college.

In the function, Isaac paul sir who was adjudged as the best research supervisor by Association of International Researchers of Indian Origin (AIRIO) and other teachers were also felicitated and Basil ( second semester B.Ed ), who averted an accident when a fire broke out in the college's computer lab, was felicitated.

Teachers serve as beacons of inspiration for future teachers. Their dedication, passion, continuous learning, nurturing relationships, innovative teaching methods, and ability to make a difference inspire aspiring educators to follow their path and contribute to the field of education.

PETRICHOR - WELCOME JUNIORS!!!❤‍🔥❣️

A Freshers' Party was held for the first year students in General Hall One on Wednesday afternoon, 13th September. All teachers and students participated in it. In this event all the first year students introduced themselves and small competitions were planned for them.Everyone enjoyed it. ❤️ Today was an unforgettable day.😍

കലിക🔥😍💫

The auspicious festival of Kerala, Onam, kickstarted on August 20 and will conclude on August 31 this year. The 10-day-long Onam festivities, also known as Thiru-Onam or Thiruvonam, are celebrated with much pomp across the state as people mark the return of King Mahabali/Maveli. Each day of Onam, namely Atham, Chithira, Chodi, Vishakam, Anizham, Thriketta, Moolam, Pooradam, Uthradom and Thiruvonam - holds much significance. Meanwhile, Thiruvonam, the last day, is the most auspicious day as it marks the end of the Onam celebrations, and families prepare and enjoy Onasadya, the opulent Onam feast.

Govt. College of Teacher Education celebrated onam on 23 and 24th august 2023.