ആദ്യ ദിനം ആയതിനാൽ തന്നെ പഠിപ്പിച്ചു തുടങ്ങുന്നതിന് മുൻപ് അതത് ക്ലാസുകളിലെ കുട്ടികളെ അറിയുക, അവരുടെ അഭിരുചികൾ മനസ്സിലാക്കുക,പഠനനിലവാരം മനസ്സിലാക്കുക, എന്നുള്ളത് വളരെ പ്രധാനമായിരുന്നു. എട്ടാം ക്ലാസിലെയും ഒമ്പതാം ക്ലാസിലെ ഓരോ ക്ലാസുകൾ വച്ച് എനിക്ക് പഠിപ്പിക്കുവാൻ ഉണ്ട്.
ഏറെ മിടുക്കരായ ഒരു കൂട്ടം കുട്ടികളെയാണ് ഇന്ന് എനിക്ക് പരിചയപ്പെടാൻ സാധിച്ചത്. കലയിലും പഠനത്തിലും ഒരേപോലെ മികവ് പുലർത്തുന്ന നിരവധി കുട്ടികളാണ് 2 ക്ലാസ്സിലും ഉണ്ടായിരുന്നത്. കുട്ടികൾ അവരുടെ വീക്ഷണങ്ങൾ, ആഗ്രഹങ്ങൾ എന്നിവ വളരെ വ്യക്തതയോടെ അവതരിപ്പിച്ചു. അടുത്ത ദിവസം മുതൽ മലയാളം കേരള പാഠാവലിയിലെ വ്യത്യസ്തങ്ങളായ പാഠങ്ങൾ എനിക്ക് പഠിപ്പിക്കുവാൻ ഉണ്ട്. അവയെക്കുറിച്ച് കുട്ടികളെ ഓർമ്മപ്പെടുത്തി.
ഒരു ടീച്ചർ എന്ന നിലയിൽ ആദ്യമായി സ്കൂളിലേക്ക് പോയപ്പോൾ ഉണ്ടായ അനുഭവം വളരെ വ്യത്യസ്തവും മനോഹരവും ആയിരുന്നു.
ഇനിയുള്ള ദിവസങ്ങൾ എനിക്കുള്ള അവസരമാണ്.. ഒരു മികച്ച അധ്യാപികയായിട്ടു തന്നെ ഈ ട്രെയിനിങ് അവസാനിപ്പിക്കാൻ കഴിയും എന്നു തന്നെ ഞാൻ പ്രതീക്ഷിക്കുന്നു.
No comments:
Post a Comment